زميلتي الهندية وانطباعها عن تقليدنا لأزيائهم
😆😆😆
عندي زميلتين هنديات يدرسون دكتوراة معاي في نفس القسم، والثنتين هندوس وحدة كانت تحط النقطة اللي في الجبهة بين الحواجب (وعندهم تعتبر رمز ديني تبع معتقداتهم)، والثانية ما تحطها، سألتها ليش؟ قالت: تدرين احنا في امريكا الناس ثقافتها مختلفة واحس شكلي غريب ومو مقبول (نفس لما المسلم يسافر مكان ويغير اشياء عشان يتماشى مع المجتمع الجديد 😬 طبعاً في ناس تغير اشياء ثانوية وناس تبدا تحذف في الأساسيات). المهم كنت يوم جالسة اتكلم مع زميلتي الهندية اقولها تدرين في الخليج يعشقون زيكم الهندي التقليدي، وفي بنات يلبسونه في حفلة الخطوبة او الجلسة بعد ليلة الزفة أو اليوم الثالث، وحتى هالنقطة اللي أنت حاطتها يحطونها 😂😂😂
البنت صارت كذا 😳😳😳😳 مو قادرة تتخيل ان المسلمين المتشددين يقلدون شي يعتبر رمز من رموز ديانتهم 😂😂😂 (مادري جا في بالها ان دينها الحق في ذيك اللحظة)، المهم قلت لها هم خذوها من باب موضة وانه حلو، ومع ذلك ظلت مصعوقة.
سكينة الحرز.
تعليقات
إرسال تعليق